1 маусым балаларды қорғау күні

Бүгін "Алема" балабақшасында 1 маусым – Балаларды қорғау күніне арналған мерекелік іс-шара ұйымдастырылды. Балалар көтеріңкі көңіл-күймен түрлі ойындарға қатысып, ән айтып, би билеп, қызықты сайыстар мен көңілді эстафеталарға белсене атсалысты.

Іс-шараның басты мақсаты – бүлдіршіндерге қуаныш сыйлап, олардың бақытты балалық шағын дәріптеу, шығармашылық қабілеттерін дамыту және достық қарым-қатынасты нығайту болды.

Балалардың шат күлкісі мен жарқын жүздері мерекенің сәнін келтірді. Барша бүлдіршіндерімізге денсаулық, бақытты балалық шақ, жарқын болашақ тілейміз!